Контакты
Карта
Главная » Молитвы » Молитвы о помощи в труде

Молитва в скотоводстве. Преподобномученице Анастасии Римляныне

Тропарь, глас 4

Агница Твоя, Иисусе, Анастасия зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою: но, яко жертву непорочную, приими мя, с любовию пожершуюся Тебе. Тоя молитвами, яко Милостиве, спаси души наша.


Молитва

Девственниц похвало и мучениц славо, Анастасие преподобная! К тебе во умилении сердец наших припадаем и твоего заступления у Господа о нас молим. Аще во чистоте твоей не поревновахом и безбоязненнаго исповедания твоего не приобщихомся, паче же многими прегрешеньми и лютыми паденьми и отступствы гнев Божий привлекохом; но не хощем во гресех наших умрети, и на твоя мужеския подвиги взирающе, паки на одоление страстей наших ополчаемся. Сие же ведуще, яко кроме благодатныя помощи ничтоже благое сотворити возможем, тую нам от Господа подати тебе просим. Ты бо, преподобномученице преславная, велие ко Владыце дерзновение стяжала еси, яко прославившая Его в чистей души твоей и в телеси твоем страдальчестем, зане вся прельщения и прещения мучителя презревши, искоренение же зубов и ногтей истерзание, и сосцев и рук и ног отсечение сладце претерпевши, дерзновенно вопияла еси: Христос есть богатство мое и похвала. Темже от того богатства и нашей нищете духовная подаждь дарования, и от безмерных прегрешений жизнь нашу соблюди, мир и безмятежие нам испроси, от нужд и уныния нас предстательством твоим огради, друг ко другу нас в послушании и братолюбии настави, и ко Господу очи сердец наших всегда возводи, во еже присно славити нам Отца и Сына и Святаго Духа Державу, и твое теплое предстательство во веки веков. Аминь.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика