Тропарь, глас 5
Умягчи наша злая сердца. Богородице, и напасти ненавидящих нас угаси, и всякую тесноту души иашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердая, в жестокосердии нашем и от жестокосердия ближних погибнути, Ты бо еси воистинну злых сердец умягчение.
Молитва
О Многострадальная Мати Божия, Превысшая всех дщерей земли, по чистоте Своей и по множеству страданий Тобою на земли перенесенных, приими многоболезненныя воздыхания наша и сохрани нас под кровом Твоея милости. Иного бо прибежища и теплаго предстательства разве Тебе не вемы, но яко дерзновение имущая ко Иже из Тебе Рожденному, помози, спаси ны молитвами Твоими, да непреткновенно достигнем Царствия Небеснаго, идеже со всеми святыми будем воспевати в Троице Единаго Бога ныне и присно и во веки веков. Аминь.
Русская Православная Церковь
Николаевский Собор
Авторское право © 2012-2024.
Разработчик: Капитула Ян
