Контакты
Карта
Главная » Молитвы » Молитвы о исцелении от недугов телесных

Молитва при лихорадке и горячке. Преподобному Марону, пустыннику Сирийскому

Тропарь, глас 8

В тебе, отче, известно спасеся еже по образу: приим бо Крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобне Мароне, дух твой.


Молитва

О возлюбленная и священная главо, преподобне и Богоносне отче наш Мароне! Назирай свыше милостивно и молися Владыце милостивому и всещедрому всех благ Подателю Богу о соблюдении страны нашея. Буди молебник и о нас грешных! К страшному Господу Саваофу честныя своя руце в час сей простри, и от Него милость и щедроты испроси, и приими ны во свое ходатайство и заступление, от всех бед и лютых болезней сохрани, и от всяких страстей свободи, и от нестерпимыя и неутешимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешениям нашим прощение испроси, и спасены Христу представи ны, и милостивно, в день Страшнаго Суда, с радостию предстати нам пред лицем неизреченныя Славы Его сподоби, и милостивное призвание в Царство Небесное от Него услышати и в неизреченней радости зрети преславную Его лица доброту спободи благодатию и человеколюбием Господа Бога и Спаса нашего Иисуса Христа. Яко держава Его благословенна и препрославленна со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.


Русская Православная Церковь
Николаевский Собор

Авторское право © 2012-2024.
Разработчик: Капитула Ян

Valid HTML 5
Правильный CSS!
Яндекс.Метрика