О, преславный угодниче Христов, предивный затворниче и теплый молитвенниче, праведне отче Димитрие! Ныне предстоя Престолу Царя Славы и вечнаго блаженства наслаждаяся, призри на ны недостойныя, к твоему отеческому заступлению с верою и любовию усердно прибегающи. Покрый покровом молитв твоих нас, в бедах, скорбех и болезнех сущих. Вемы бо, вемы, угодниче Христов, яко достойная по делом нашим приемлем, на всяк бо день прогневляем Создателя своего. Но веруем, яко много может молитва праведнаго, поспешествуема во благое. Сего ради, угодниче Христов, молим тя, испроси прощение многих согрешений наших, да избегнем мук вечных. Огради ны от враг видимых и невидимых, и от всякаго зла. Исцели болезни наша и помраченный ум просвети. Таже неспосли твое небесное благословение на богоугодныя дела наша и в нуждах житейских помози. Подаждь благорастворение воздухов и изобилие плодов земных. Молим тя, праведне Димитрие, вознеси теплую молитву об Отечестве нашем и спасение народу нашему испроси. Предстательством твоим даруй нам мир, тишину, веры Православныя в сердцах укрепление и жития греховнаго исправление. Исходатайствуй чтущим тя вечное спасение, да избавлени огня вечнаго, купно с тобою и всеми, угодившими Богу, прославим Пресвятую Троицу, Отца и Сына и Святаго Духа, всегда, ныне и присно и во веки веков. Аминь.
Русская Православная Церковь
Николаевский Собор
Авторское право © 2012-2024.
Разработчик: Капитула Ян
