Контакты
Карта
Главная » Молитвы » Молитвы в скорбях, обстояниях и бедствиях

Молитва от пожара и поражения молнией. Божией Матери, пред иконой ее «Неопалимая купина»

Тропарь, глас 4

Иже в купине, огнем горящей и несгораемей, показавый Моисеови Пречистую Твою Матерь, Христе Боже, огнь Божества неопальне во чреве приимшую и нетленну по Рождестве пребывшую, Тоя молитвами от пламене страстей избави нас и от огненных запалений град Твой сохрани, яко Многомилостив.


Молитва

О Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред святою и прелестною иконою Твоею, еюже дивная и преславная чудеса содевающи, от огненнаго запаления и молниеноснаго грома жилища наша спасаеши, недужныя исцеляеши и всяко благое прошение наша во благо исполняеши. Смиренно молим Тя, Всесильная рода нашего Заступнице, сподоби ны, немощныя и грешныя, Твоего Матерняго участия и благопопечения. Спаси и сохрани, Владычице, под кровом милости Твоея богохранимую страну нашу, властей и воинство ея, Церковь святую, храм (обитель) сей (сию) и вся ны, припадающая к Тебе с верою и любовию и умиленно просящия со слезами Твоего заступления. Ей, Госпоже Всемилостивая, умилосердися на нас, обуреваемых грехами многими и не имущих дерзновения ко Христу Богу, просите Его о помиловании и прощении, но Тебе предлагаем к Нему на умаление, Матерь Его по плоти; Ты же, Всеблагая, простри к Нему богоприимнеи руце Твои и предстательствуй за нас пред благостию Его, просяще нам прощения прегрешений наших, благочестиваго мирнаго жития, благия христианския кончины и добраго ответа на Страшнем Суде Его. В час же грознаго посещения Божия, егда огнем возгораются домы наша, или молниеносным громом устрашаеми будем, яви нам милостивное Твое заступление и державное вспоможение, да спасаеми всесильными Твоими ко Господу молитвами, временнаго наказания Божия зде избегнем и вечное блаженство райское тамо унаследуем, и со всеми святыми воспоем пречестное и великолепое имя покланяемыя Троицы, Отца и Сына и Святаго Духа, и Твое велие к нам милосердие, во веки веков. Аминь.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика