Контакты
Карта
Главная » Молитвы » Молитвы в семейных нуждах

Молитва о здравии и благополучии детей. Божией Матери, пред иконой ее «Взыскание погибших»

Тропарь, глас 7

Радуйся, Благодатная Богородице Деве, во объятиях Своих Превечнаго Младенца и Бога носившая. Проси Его дати миру умирение и душам нашим спасение. Сын бо Тебе, Богомати, вещает, яко вся прошения Твоя во благое исполнит. Сего ради и мы, припадающе, молимся и, надеющиися на Тя, да не погибнем, имя Твое именуем: Ты бо еси, Владычице, Взыскание погибших.


Молитва

Заступнице усердная, Благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, вопль мой и стенание услыши, яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго: помилуй мя, кающагося во злых делех моих, и обрата на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.


Русская Православная Церковь
Николаевский Собор

Авторское право © 2012-2017.
Разработчик: Капитула Ян

Valid HTML 5
Правильный CSS!
Яндекс.Метрика