Благодарю Тя, пренебесный Царю, и всем телом и душею молю, хвалю, славлю, почитаю и превозношу Тя, яко сподобил еси мене, грешнаго, в день сей в Божественном сем храме Божественную Твою и благоприятную, безкровную и словесную, Твоими священнослужителями о наших согрешениях Тебе принесенную и пожертую видети жертву, в воспоминание пречистых Страстей, преславного Воскресения, на небеса Восшествия и страшнаго паки Пришествия Господа нашего Иисуса Христа, ихже ради молю Тя: вся моя согрешения омый, очисти и прости, и даждь ми во вся дни живота моего поминати Твоя благодеяния, и в чистой совести благодарения и мольбы Тебе приносите, Безначальному Отцу со Единородным Твоим Сыном и Всесвятым и Благим и Животворящим Твоим Духом, ныне и присно, и во веки веков. Аминь.
Русская Православная Церковь
Николаевский Собор
Авторское право © 2012-2024.
Разработчик: Капитула Ян
