Святы́й Ангеле, предстоя́й окая́нной моей души́ и стра́стной моей жизни, не оста́ви мене́ гре́шнаго, ниже́ отступи́ от мене́ за невоздержа́ние мое. Не даждь ме́ста лука́вому де́мону обла́дати мною, наси́льством сме́ртнаго сего́ телесе́; укрепи́ бе́дствующую и худу́ю мою ру́ку и наста́ви мя на путь спасе́ния. Ей, святый Ангеле Бо́жий, храни́телю и покрови́телю окая́нныя моея́ души́ и тела, вся мне прости́, ели́кими тя оскорби́х во вся дни живота́ моего, и а́ще что согреши́х в преше́дшую нощь сию́, покры́й мя в настоя́щий день, и сохрани́ мя от вся́каго искуше́ния проти́внаго, да ни в ко́ем гресе́ прогне́ваю Бога, и моли́ся за мя ко Го́споду, да утвердит мя в стра́се Своем, и досто́йна пока́жет мя раба Своея́ благости. Ами́нь.
Русская Православная Церковь
Николаевский Собор
Авторское право © 2012-2024.
Разработчик: Капитула Ян
